A EXECUTIVA NACIONAL DE ESQUERDA UNIDA CONSIDERA QUE O
DESENROLO DAS ENERXÍAS RENOVABLES, ENTRE ELAS A EÓLICA, É FUNDAMENTAL XUNTO A
OUTRAS MEDIDAS DIRIXIDAS AO AFORRO DE ENERXÍA.
ESQUERDA UNIDA
XESTIÓN DEFENDE QUE A ENERXÍA POR SER UN SECTOR ESTRATÉXICO, DEBE SER DE
PROPIEDADE E XESTIÓN PÚBLICA.
YOLANDA DÍAZ COORDINADORA E CANDIDATA Á XUNTA DE GALICIA
CONSIDERA QUE “O PP TEN QUE EXPLICAR CANTO LLES VAN A CUSTAR Á CIDADANÍA GALEGA
AS SÚAS POLÍTICAS”
A sentencia do Tribunal Superior de
Xustiza de Galicia, considera ilegal a anulación por parte da Xunta do Plan
eólico aprobado polo goberno do bipartito.
A executiva nacional de Esquerda Unida considera que o
desenrolo das enerxías renovables, entre elas a eólica, é fundamental, xunto a
outras medidas de cara ao aforro de enerxía, para acadar un modelo enerxético
ambientalmente sustentable. O cambio do modelo enerxético é
fundamental na loita contra o cambio climático e para diminuír a dependencia
dos combustibles fósiles, polo tanto é unha cuestión fundamental que atinxe ao
dominio público. Pola contra, a proliferación no territorio galego de parques
eólicos en mans de empresas privadas non supuxo practicamente ningún beneficio
para a poboación galega e mesmo se levou a cabo sen ter en conta os impactos
medioambientais.
Yolanda Díaz coordinadora e candidata á Xunta de Galicia
esixe que “o Partido Popular ten que explicar canto lle van a custar á
cidadanía galega as súas políticas”. A sentencia do TSXG, considera ilegal a suspensión do procedemento
para o outorgamento de autorizacións de instalacións de Parques Eólicos
tramitado ao amparo do Decreto 242/07 de 13 de decembro. Unha das consecuencias
desta resolución a instancias da decisión do goberno de Feijóo no seu momento,
é o elevado custe -xa que as empresas prexudicadas neste proceso de
adxudicación eólica teñen dereito a reclamar as indemnizacións
correspondentes-, que a cidadanía galega vai ter que asumir pola mala xestión e
decisión do goberno do PP.
Esquerda Unida defende que a enerxía por ser un sector
estratéxico, debe recaer en mans públicas. O actual modo de produción e consumo
enerxético é insostible tal e como demostran o quecemento global, a
acidificación dos mares e o cénit do petróleo. Baixo a lóxica do sistema
capitalista, se deixa o sector enerxético nas mans do mercado sen ter en conta
as repercusións medio ambientais e sociais, condicionado sempre a que as
grandes empresas enerxéticas poidan seguir acumulando beneficios.
Para Esquerda Unida, é fundamental a
creación dun novo plan eólico cuxos principios reitores sexan a eficacia, a
protección do entorno, a descentralización e a propiedade pública, de xeito que
o seu desenrolo non estea suxeito a intereses privados, se non ao ben público e
ambiental.
Polo tanto, Esquerda Unida pulará pola
creación en Galicia dunha empresa pública adicada á promoción e investigación
das enerxías renovables e pola xestión pública do sector enerxético.
Gabinete
de prensa.
Executiva Nacional de Esquerda Unida.
No hay comentarios:
Publicar un comentario