ESQUERDA
UNIDA OPONSE Á REFORMA DA LEI DE COSTAS PRESENTADA POLO PP
O
ANTEPROXECTO DE LEI APROBADO POLO CONSELLO DE MINISTROS SUPÓN UNHA AGRESIÓN E
PRIVATIZACIÓN DA COSTA
A EXISTENCIA DE NÚCLEOS HISTÓRICOS DE
POBOACIÓN NA COSTA NON DEBE SERVIR DE EXCUSA PARA NOVAS EDIFICACIÓNS.
A Executiva Nacional de Esquerda Unida considera que a reforma da Lei de
Costas que proxecta o PP supón unha nova agresión ás nosas costas. Esta reforma
vai claramente contra a intencionalidade da Lei de Costas aprobada en 1988, que
non era outra que frear a destrución e privatización da costa no litoral do
Estado.
A ampliación a 75 anos da concesión e a autorización á compra-venda de
inmobles situados dentro do dominio público terrestre son medidas que supoñen
un regalo ás inmobiliarias permitíndolles así facer negocio esquivando a ata
agora vixente Lei de Costas.
A ampliación da concesión debería revisarse caso por caso, concedéndose
unicamente no caso de ser primeira vivenda e a persoas de baixa renda.
Por outra banda, esta reforma supón unha agresión en particular á costa
galega coa redución da zona de servidume de protección da costa de 100 a 20
metros nas rías. Isto suporá abrir as portas novamente á construción
indiscriminada e a destrución da zona costeira.
A suposta intención desta medida é dar seguridade xurídica aos núcleos de
poboación que no ano da aprobación da Lei de Costas non tiñan calificación de
chan urbano pero sí as súas características. Si de iso se tratara, bastaría
facer un inventario dos núcleos que merecerían tal calificación en lugar de
reducir a zona de protección da costa.
No hay comentarios:
Publicar un comentario