As áreas de elaboración colectiva de EU, son un instrumento de coñecemento, formación permanente, participación e mobilización social.
Ademáis dos afiliados de EU, poden formar parte das áreas aqueles colectivos ou persoas que, aínda sen estar afiliados á organización, queiran participar na elaboración de iniciativas políticas e na mobilización.
As persoas que formamos parte da área de medio ambiente de Esquerda Unida estamos convencidos da necesidade dun cambio urxente da relación do conxunto da sociedade co medio e da total incompatibilidade do modelo de desenrolo capitalista coa sostibilidade ambiental. Conscientes desta necesidade, traballamos elaborando propostas a prol do medio ambiente e apoiando e promovendo a mobilización social.
